សូមគោរព និងសូមស្វាគមន៍ចំពោះ សម្តេច ឯកឧត្តម លោកឧកញ៉ា លោកជំទាវ លោកលោកស្រី អ្នកនាងកញ្ញា និងសិស្ស-និស្សិតទាំងអស់ ដែលបានផ្តល់ការទុកចិត្ត និងធ្វើដំណើរទេសចរណ៍ តាមរយៈ ប៊ែលធីទេសចរណ៍ ដែលជាផ្នែកមួយនៃប៊ែលធីគ្រុប។ ដូចយើងបានដឹងរួចមកហើយថា ព្រះរាជាណាចក្រអច្ឆរិយៈ របស់យើងសម្បូរទៅដោយ កេរ្តិ៍តំណែលមានតំលៃជាច្រើនដូចជា ប្រពៃណី វប្បធម៍ ជាតិដ៏ត្រចះត្រចង់ ដែលមាន ប្រវត្តិសាស្រ្តដ៏យូរលង់ និងធនធានធម្មជាតិសម្បូរបែប។ ជាលទ្ធផលប្រទេសយើង ជាប់ក្នុងចំណាត់ថ្នាក់ជាប្រទេស ដែលមានការរីកលូតលាស់ យ៉ាងឆាប់រហ័សលើ វិស័យទេសចរណ៍ ជាពិសេសបានជាប់ក្នុង ចំណាត់ថ្នាក់ជាទីក្រុងស្អាត និងសមុទ្រស្អាត។ រួមជាមួយ និងការខិតខំប្រឹងប្រែង ក្នុងការផ្តល់សេវាកម្មបន្ថែម ជូនទៅដល់សិស្ស-និសិ្សត បុគ្គលិកអង្គការ ក្រុមហ៊ុន មន្រ្តីរាជការ និងប្រជាជនទូទៅ គណៈគ្រប់គ្រង ប៊ែលធីគ្រុប មានសេចក្តីសោមនស្សរីករាយ ជំរាបជូនពីការបើកឡើងនូវ សេវាថ្មីមួយទៀតរបស់ប៊ែលធីគ្រុបគឺ ប៊ែលធីទេសចរណ៍។

ប៊ែលធីទេសចរណ៍ មានភារកិច្ចក្នុងការផ្តល់ជូននូវ សេវាកម្មល្អៗ សម្រាប់ការធ្វើដំណើរកំសាន្តដូចជា ដំណើរកំសាន្តទៅ តំបន់ទេសចរណ៍នានា នៅក្នុងប្រទេស និងក្រៅប្រទេស ការកក់សណ្ឋាគារ សំបុត្រយន្តហោះ មធ្យោបាយធ្វើដំណើរ មគ្គុទេ្ទសក៍ និងកពា្ចប់ទេសចរណ៍ ទៅតាមតម្រូវការរបស់ លោកអ្នក។

សៀវភៅព័ត៌មាន សម្រាប់ទេសចរណ៍ក្នុងស្រុក និងក្រៅប្រទេស មានកម្មវិធីល្អៗទៅកាន់ តំបន់់ជាច្រើនទូទាំងប្រទេសដូចជា មណ្ឌលគីរី រតនគិរី ក្រចេះ ស្ទឹងត្រែង សៀមរាប ព្រះវិហារ បាត់ដំបង ប៉ៃលិន កោះកុង ក្រុងព្រះសីហនុ កំពត និងក្រុងកែបជាដើម។ តំបន់ទាំងនោះ សុទ្ធតែជាតំបន់ដ៏មនោរម្យ និងជាទីទាក់ទាញអ្នកទេសចរណ៍ទាំងឡាយឲ្យមាន អារម្មណ៍ស្រស់ថ្លាជាមួយ ធម្មជាតិដ៏ត្រកាល និងសម្បត្តិវប្បធម៌ដ៏សម្បូរបែប។ សេវាកម្មយើងខ្ញុំមាន អ្នកបើកបរប្រកបដោយការ ប្រុងប្រយ័ត្នខ្ពស់ មគ្គុទ្ទេសក៏រួសរាយរាក់ទាក់ យល់ដឹងពីប្រវត្តិសាស្រ្តកម្ពុជា ស្ថានភាពតាមតំបន់ អាហារឆ្ងាញ់ពិសា អនាម័យល្អ ប្រកបដោយសុខភាព។ ចំណែកឯការស្នាក់នៅវិញ គឺស្ថិតក្នុងសណ្ឋាគារ ដែលប្រកបដោយផាសុខភាព។

ទន្ទឹមនឹងនេះ យើងក៏មានរៀបចំកម្មវិធី ដំណើរទេសចរណ៍តាម តម្រូវការផ្សេងៗ របស់លោកអ្នកផងដែរ។ សូមអញ្ជីញទំនាក់ទំនង មកការិយាល័យ ប៊ែលធីទេសចរណ៍ ដើម្បីប្រឹក្សាយោបល់អំពី ដំណើរកំសាន្តរបស់លោកអ្នក ហើយបុគ្គលិកយើងខ្ញុំ រង់ចាំទទួលស្វាគមន៍ដោយក្តីរីករាយ ដើម្បីជួយរៀបចំដំណើរទេសចរណ៍ របស់លោកអ្នកអោយបានល្អប្រសើរបំផុត។